Արարատի մարզի Արալեզ գյուղի տարածքում այսօր՝ մայիսի 26-ին, մահվան ելքով ավտովթար է տեղի ունեցել:
Արալեզի գյուղապետ Մարտիկ Թեւոնյանը NEWS.am-ի հետ զրույցում ասաց, որ 4 երիտասարդ տղաներ երթեւեկել են բարձր արագությամբ ու բախվել ծառին:
Մեքենայի մեջ եղել են Արալեզի բնակիչներ 18-ամյա Հովհաննես Ալավերդյանը, 19-ամյա Յուրիկ Պետրոսյանը, 17-ամյա Արթուր Գաբրիելյանը և 18-ամյա Գոռ Հակոբյանը: Երիտասարդները տեղափոխվել են հիվանդանոց, որտեղ նրանցից երկուսը՝ Հովհաննեսն ու Գոռը մահացել են: