Ֆինլանդիայի մայրաքաղաքի կենտրոնում բանկերից մեկի պատուհանից եղջերու է նետվել: Այս մասին գրում է Lenta-ն՝ վկայակոչելով iltasanomat.fi-ն:
Ոստիկանության ներկայացուցիչ Առնո Լայթինենի խոսքով, քաղաքի փողոցներում եղջերուի հայտնվելու մասին առաջին անգամ ահազանգ են ստացել հինգշաբթի առավոտյան:
Այնուհետեւ կենդանուն նկատել են Տյոյոլյո շրջանում: Եղջերուն մտել է բանկի շենք, իսկ հետ դուրս նետվել պատուհանից: Արդյունքում կենդանին մահացու վնասվածքներ է ստացել, եւ իրավապահները ստիպված են եղել սպանել նրան: Միջադեպի հետեւանքով մարդիկ չեն տուժել:
Ամենայն հավանականությամբ, եղջերուն Հելսինկի է եկել Սեուրասաարի կղզուց: Ոստիկանությունում նաեւ նշել են, որ սա հազվագյուտ երեւույթ է, քանի որ եղջերուները, որպես կանոն, քաղաքի սահմանը չեն հատում: