Երեւանում հորը սպանելու մեջ մեղադրվող 48-ամյա Արմեն Առաքելյանը հոգեկան խնդիրներ ունի:
Այս մասին NEWS.am-ին ասացին նրա հարեւանները:
Արմենն արդեն մեկ տարի է՝ մոր մահվանից հետո, միայնակ էր ապրում հոր հետ:
Հիշեցնենք, որ Հայկարամ Առաքելյանը մահացել է մայիսի 25-ին` ժամը 11:30-ի սահմանում: Նրա որդին որպես կասկածյալ արդեն ցուցմունք է տվել: Ոստիկանությունում Արմենը պատմել է, որ հոր խնդրանքով նրան երկու անգամ «Կետոնալ» ցավազրկող է ներարկել՝ 45 րոպե ընդմիջումով, թեեւ գիտեր, որ այդ դեղը կարելի է ներարկել առնվազն 6 ժամ ընդմիջումով. հետո տնից դուրս է եկել: Երկու ժամից վերադառնալով՝ տեսել է, որ հայրն ընկած է մահճակալի դիմաց եւ ծանր է շնչում: Շտապօգնություն կանչելու փոխարեն՝ շորով կապել է հոր պարանոցից, նրան բարձրացրել անկողնու վրա եւ ոչ մի օգնություն ցույց չի տվել: Մահացածի մարմնի վրա հայտնաբերվել են վնասվածքներ՝ ձախ աչքի արյունազեղում եւ քերծվածքներ՝ գլխի ու պարանոցի հատվածներում: