Հայաստանի ԱԻՆ-ում, այսօր՝ մայիսի 27-ին, ժամը 10.32-ին Վրաստանի ՆԳՆ ԱԻ դեպարտամենտից տեղեկություն է ստացվել, որ մայիսի 26-ին ժամը 19.30-ի սահմաններում Թբիլիսի քաղաքի Փոնիջավա վարչական շրջանում տեղի է ունեցել ավտովթար. «Mercedes mini van» մակնիշի 34 TT 795 համարանիշով ավտոմեքենան բախվել է «ԳԱԶել» մակնիշի երթուղային տաքսուն:
«Mercedes mini van» մակնիշի ավտոմեքենայի ուղեւորներից մեկը տեղում մահացել է (միջին տարիքի կին), 34-ամյա Սուրեն Վ.-ն, 57-ամյա Ռուսլան Գ.-ն, 34-ամյա Արտյոմ Տ.-ը եւ «ԳԱԶելի» մեկ ուղեւոր (Վրաստանի քաղաքացի) հոսպիտալացվել են Թբիլիսի քաղաքի Օրտաչալա թաղամասի «New Hospitals» ԲԿ: