Դեռեւս հայտնի չէ` ինչքան ծրագիր կիրականացնի «Հայաստան» համահայկական հիմնադրամը: Այս մասին այսօր հիմնադրամի Հոգաբարձուների խորհրդի և տեղական մարմինների 25-րդ համատեղ նիստի ժամանակ լրագրողների հետ զրույցում ասաց գործադիր տնօրեն Արա Վարդանյանը:
«Թե Արցախում, թե Հայաստանում կան բազմաբնույթ ծրագրեր, որոնք կարելի է իրականացնել, բայց դժվար է ասել, թե ինչ կորոշվի»,-ասաց նա:
Հարցին, թե հնարավոր է օգնություն ցուցաբերվի ապրիլյան պատերազմից տուժած բնակավայրերը վերականգնելու կամ ընտանիքներին օժանդակելու հարցում, Արա Վարդանյանն ընդգծեց, որ ապրիլյան պատերազմից տւժած ընտանիքներին արդեն իսկ օժանդակություն՝ թե վերանորոգման, թե դեղորայքի առումով տրամադրվել է և շուրջ հարյուր հազար դոլարի դեղորայք եւ բժշկական սարքավորումներ են ուղարկել, բացի դրանից բուժօգնության երկու մեքենա: «Չնայած չի բացառվում նման որոշում կայացվի»:
Ինչ վերաբերում է անցած տարի իրականացված ծրագրերին, ապա նա ասաց, որ արդեն երկրորդ տարին է` ինչ ընթանում է Վարդենիս-Մարտակերտ ճանապարհի շինարարությունը. «Այս պահի դրությամբ 52 կմ ավարտված է և կսկսվի արդեն կահավորումը ճանապարհի, մնացած հատվածներում աշխատանքները կսկսվեն, հենց որ եղանակները թույլ կտան, քանի որ անձրևային եղանակին ասֆալատպատում հնարավոր չէ իրականցնել»,- ասաց նա:
Արա Վարդանյանը պարզաբանեց, որ մինչ տարվա վերջ կփորձեն աշխատանքները ավարտել, և միայն մի հատված՝ մոտ երեք հարյուր մետր, խնդրահարույց է, քանի որ խորքային ջրեր են կուտակվում: