ՆԱՏՕ-ն պետք է դիտարկի Բալթյան տարածաշրջանում մարտական օդանավերի քանակի աճի հարցը եւ Ռուսաստանի զսպման համար Patriot ԶՀՀ տեղակայելու պլանը: Այս մասին Financial Times-ին տված հարցազրույցում ասել է Էստոնիայի պաշտպանության ուժերի հրամանատար Ռիխո Տերասը:
Նա կարծում է, որ Բալթյան երկրներում ՆԱՏՕ-ի 4 գումարտակների տեղակայումը բավական չէ, եւ Էստոնիայում, Լատվիայում ու Լիտվայում ՀՕՊ ուժերի ցածր մակարդակ է նկատվում:
«Շատ մեծ նշանակություն ունի ինքնապաշտպանության պատրաստ լինելու մեր կարողությունը: Մեզ անհրաժեշտ են ՀՕՊ օբյեկտներ»,- ասել է Տերասը:
Նրա խոսքով՝ Ռուսաստանն իրեն օպորտունիզմի գիրկն է գլորում: «Եթե նրանք ինչ-որ մի հնարավորություն ունեն, ապա պատուհանից էլ խցկվում են դա օգտագործելու համար»,- ասել է գեներալը:
Բացի այդ, Տերասը վստահ է, որ ՆԱՏՕ-ն պետք է տարածաշրջանում հասանելիության արգելակափակման եւ սահմանափակման համակարգ (A2AD) կիրառի, որի սեգմենտները կլինեն երկիր-երկինք հրթիռային սարքավորումները: