2016-ի սկզբից Միջերկրական ծովով Եվրոպա է ժամանել ավելի քան 194 հազար ներգաղթյալ եւ փախստական: Նման տվյալներ է ներկայացրել Միգրացիայի միջազգային կազմակերպությունը: Մոտ 1.5 հազար մարդ զոհվել է կամ անհետ կորել՝ փորձելով հասնել ԵՄ երկրներ:
«Միգրացիայի միջազգային կազմակերպության տվյալներով՝ հունվարի 1-ից մայիսի 25-ը Եվրոպա է ժամանել 194 հազար 611 մարդ, 1 475-ը զոհվել են կամ անհետ կորել»,- Ժնեւում լրագրողներին ասել է կազմակերպության պաշտոնական ներկայացուցիչ Ջոել Միլլմանը:
Տարվա սկզբից, ըստ առկա տեղեկությունների, 156 հազար 157 մարդ ժամանել է Հունաստան, 37 հազար 363-ը՝ Իտալիա, 1063-ը՝ Իսպանիա, փոխանցում է ՏԱՍՍ-ը: