Կոռուպցիոն համակարգը Հայաստանում գործում է լիարժեքորեն, բայց այնպես չէ, որ կառավարությունն անտեղյակ է, թե ինչպես պետք է պայքարել դրա դեմ: Այս մասին, այսօր՝ մայիսի 27-ին, լրագրողների հետ հանդիպման ժամանակ նշել է Միջազգային եւ անվտանգության հարցերի հայկական ինստիտուտի հիմնադիր Ստյոպա Սաֆարյանը:
«Մեզնից շատ-շատ ավելի իրազեկված են, թե այդ մեխանիզմը, արտոնությունների համակարգն ինչպես են գործում, մենաշնորհներն ինչպես են ստեղծվում եւ չարաշահվում, ինչպես է խեղվում մրցակցությունը, ինչու է խեղդվում երկրի տնտեսությունը»,-ընդգծել է Սաֆարյանը:
Նա նշել է, որ հույս չունի, թե այս կառավարությունից իրական ռեֆորմներ եւ կոռուպցիայի դեմ իրական պայքար կարելի է սպասել:
Անդրադառնալով կառավարության աշխատակազմի ղեկավար-նախարար Դավիթ Հարությունյանի այն հայտարարությանը, թե կոռուպցիայի եւ մենաշնորհների դեմ պայքարի առաջարկները կարելի է ուղարկել իր էլեկտրոնային փոստին, Ստյոպա Սաֆարյանն արձագանքելն է, թե ցանկության դեպքում իշխանությունը կարող է պայքարել կոռուպցիայի դեմ՝ առանց հասարակության օջանդակության։
