Հալեպում այսպես կոչված չափավոր ընդդիմության հրթիռակոծության հետեւանքով հայ կին է զոհվել: Սիրիայում լույս տեսնող «Գանձասար» թերթի տեղեկություններով՝ ահաբեկիչները հարվածներ են հասցրել հայաբնակ Նոր Գյուղ թաղամասին: Մասնավորապես հրթիռակոծվել է «Վերժինե Գյուլբենկյանի» անվան ծերանոցը: Արկն ընկել է շենքի վրա, ինչի հետեւանքով զոհվել է հաստատության աշխատակցուհի Մարալ Կյուլիկյանը, եւ վիրավորվել են երկու տղամարդ՝ Ժան Հաթաթը եւ Զարեհ Շաքարյանը: Վիրավորների վիճակը գնահատվում է ծանր: Անվտանգության նկատառումներով տարեց մարդկանց տեղափոխել են նկուղային հարկ:
