2015-ին Հայաստանի բանկային համակարգում կանոնադրական կապիտալ է եկել 74 մլրդ դրամ (ընթացիկ փոխարժեքով մոտ 155 մլն դոլար): Այդ մասին մայիսի 27-ին լրագրողներին հայտնել է Հայաստանի Կենտրոնական բանկի Ֆինանսական կայունության եւ զարգացման վարչության պետ Անդրանիկ Գրիգորյանը: Նրա խոսքով, բանկերը ջանքեր են գործադրում` կատարելու Կենտրոնական բանկի պահանջը կանոնադրական նվազագույն կապիտալը 2017-ի հունվարի 1-ից 5-ից մինչեւ 30 մլրդ դրամ բարձրացնելու ուղղությամբ: «Այս ավելացումը նրանց թույլ է տալիս ավելի սահուն եւ կայուն աշխատել», - հավելել է Գրիգորյանը: