Սանկտ Պետերբուրգում նրբաբլիթներից ռեկորդային տորթ կթխեն` 400 կգ քաշով, հայտնում է FlashNord-ը: Ակցիան նվիրված է Քաղաքի օրվան, որը նշվում է մայիսի 27-ին եւ կընթանա շաբաթ օրը` մայիսի 28-ին, Օստրովսկու հրապարակում:
«80 շերտանոց նրբաբլիթային տորթը բանանա-շոկոլադային լցոնով առնվազն 400 կգ կկշռի, դրա բարձրությունը կկազմի ավելի քան 40 սմ, իսկ տրամագիծը` մոտ 1,5 մ», –հայտնել է ակցիայի կազմակերպչի ներկայացուցիչը:
Տորթի պատրաստմանը կմասնակցի նրբաբլիթի ութ մասնագետ: Հանդիսատեսին կառաջարկեն մասնակցել թխվածքն առաջինը համտեսելու իրավունքի համար բարեգործական աճուրդին: Բացի այդ, հրապարակում նվիրատվություններ հավաքելու խնայատուփեր կտեղադրեն: