Երեւանի Արամե պատկերասրահում այսօր՝ մայիսի 27-ին, տեղի ունեցավ  «Արվեստ՝ ժամանակից անդին» պատկերագրքի շնորհանդեսը:

Պատկերագիրքը ներառում է դասական եւ ժամանակակից 38 հայ գեղանկարիչների եւ քանդակագործների շուրջ 160 աշխատանք:

Պատկերագրքում զետեղված գործերը ընդգրկում են շուրջ հարյուրամյա ժամանակաշրջան: Ամենահին աշխատանքները ֆրանսահայ գեղանկարիչ Շառլ Աթամյանի՝ 1918թ. ստեղծված երկու գեղանկարներն են: Ամենանորերը երիտասարդ քանդակագործ Մարգարիտա Մատուլյանի այս տարվա աշխատանքներն են:

Գիրքը տպագրվել է 1500 տպաքանակով: