Եվրամիությունը մեկ տարով երկարաձգել է Սիրիայի դեմ սահմանված պատժամիջոցները: Այս մասին ասված է մայիսի 27-ին ԵՄ Խորհրդի տարածած հայտարարությունում:
Այսպիսով, սահմանափակող միջոցառումները կգործեն մինչեւ 2017 թվականի հուլիսի 1-ը:
Ըստ Lenta-ի, ԵՄ Խորհուրդը Սիրիայի դեմ պատժամիջոցներ սահմանելու մասին որոշումը հավանության է արժանացրել 2013 թվականի մայիսի 31-ին: Հակասիրիական սահմանափակումները ներառում են նավթի մատակարարումների դեմ էմբարգո, սիրիական կենտրոնական բանկի ակտիվների սառեցում, տեխնոլոգիաների արտահանման սահմանափակումներ:
