Ուկրաինայի նախագահ Պյոտր Պորոշենկոն հրամանագիր է ստորագրել ռուսական լրատվամիջոցների մի շարք ղեկավարների նկատմամբ անհատական պատժամիջոցներ սահմանելու մասին: Այս մասին ասված է ուկրաինական ղեկավարի պաշտոնական կայքում հրապարակված հաղորդագրությունում:
Մինչեւ 2017 թվականի դեկտեմբերի 31-ը սահմանված պատժամիջոցների ցանկում 17 անուն կա:
Դրանում, մասնավորապես, ներառվել են Առաջին ալիքի գլխավոր տնօրեն Կոնստանտին Էռնստը, ՏԱՍՍ գործակալության գլխավոր տնօրեն Սերգեյ Միխայլովը, LifeNews հեռուստաալիքի նախկին գլխավոր տնօրեն Աշոտ Գաբրելյանովը, RT (Russia Today) հեռուստաալիքի գլխավոր տնօրեն Մարգարիտա Սիմոնյանը, «Pravda.ru» հոլգինդի տնօրենների խորհրդի նախագահ Վադիմ Գորշենինը եւ այլք: