Սիրիայի դեմ պատժամիջոցները եւս մեկ տարով երկրաձգելու մասին որոշումը ուժի մեջ է մտնում: Այս մասին ասվում է ԵՄ Պաշտոնական ասմագրում, որտեղ հրապարակվել է համապատասխան նորմատիվային ակտը, հայտնում է ՏԱՍՍ-ը:
Պատժամիջոցների երկարաձգման մասին քաղաքական որոշումը ընդունել է ԵՄ խորհուրդը մայիսի 27-ին: «ԵՄ խորհուրդը որոշում է կայացրել Սիրիայի նկատմամբ պատժամիջոցները մինչեւ 2017-ի հուլիսի 1-ը երկարացնելու մասին»,- ասվում է գերատեսչության հայտարարության մեջ: Դրանում նշվում է, որ Սիրիայի դեմ ԵՄ պատժամիջոցները ուժի մեջ կմնան «քանի դեռ շարունակվում են ճնշումները խաղաղ բնակչության դեմ»:
Սիրիայի դեմ ԵՄ պատժամիջոցները ներառում են նավթի առեւտրի արգելքը, ներդրումների սահմանափակումները, ԵՄ-ում Սիրիայի կենտրոնական բանկի ակտիվների սառեցում, երկակի նշանակության տեխնոլոգիաների, նաեւ հեռախոսային ու ինտերնետային կոմունիկացիաների արգելափակման կամ մշտադիտարկման համար սարքավորումների ու միջոցների առեւտրի էմբարգո: Բացի դրանից Սիրիայի ավելի քան 200 ֆիզիկական ու 70 իրավաբանական անձ ներառված է ԵՄ սեւ ցուցակում:
