Հովիկ Աբրահամյանը չի բացառում, որ պաշտոնանկություններ կլինեն, եթե համապատասխան գերատեսչությունները չկատարեն ծախսերը կրճատելու վերաբերյալ իր հանձնարարականները:
«Մենք ժամանակի ընթացքում իրականացրել ենք տնտեսական բարեփոխումները: Եթե մարդիկ չեն հավատում, մենք պետք է մեր գործն անենք, որ հավատան»,- այսօր՝ մայիսի 28-ին, Սարդարապատում լրագրողների հետ զրույցում ասաց ՀՀ վարչապետ Հովիկ Աբահամյանը, որը մասնակցում է Հայաստանի Առաջին հանրապետության 98-րդ տարեդարձի տոնակատարությանը:
Դիտարկմանը, թե խոսակցություններ կան, որ եթե պետական գերատեսչությունները չկատարեն օպտիմալացման վերաբերյալ վարչապետի հանձնարարականը, պաշտոնանկություններ կարող են լինել, Հովիկ Աբրահամյանն արձագանքեց. «Եթե չկարողանան անել, ապա ես համաձայն եմ ձեր առաջարկի հետ»:
Հիշեցնենք, որ մայիսի 19-ին կառավարության նիստում հովիկ Աբրահամյանը հանդես է եկել հայտարարությամբ, որտեղ խոսել էր կոռուպցիայի դեմ պայքար մղելու, կառավարման մարմիններն օպտիմալացնելու անհրաժեշտության մասին:
