Ղրղզստանի հարավային Կադամժայյան տարածքում հորդառատ անձրեւները սելավների պատճառ են դարձել, ինչի հետեւանքով հինգ մարդ է զոհվել, հայտնում է ՌԻԱ Նովոստին»:
«Օշ- Այդարկեն ավտոմայրուղու 125-րդ կիլոմետրի վրա հորդառատ անձրեւներից հետո սելավային հոսքեր են սկսվել, որոնց տակ է մնացել մի մեքենա, դրա հետեւանքով հինգ մարդ է զոհվել, եւս մեկին էլ՝ 6 տարեկան երեխային, որին հոսանքը քշել էր, հաջողվել է փրկել,նախնական տվյալներով այդ նույն մեքենայում եւս մեկ 3-ամյա երեխա կար, նրան որոնում են»,- ասել է Ղրղզստանի արտակարգ իրավիճակների նախարարության ներկայացուցիչը:
Նա հավելել է, որ տարերային աղետի հետեւանքով ջրի տակ են մնացել մի քանի տնամերձ հողամասեր, նաեւ ճանապարհներ:
ԱԻՆ աշխատակիցները հիմա փորձում են վերացնել աղետի հետեւանքները: