Պետրոպավլովսկ-Կամչատսկիի մոտակայքում գտնվող Ելիզովո օդանավակայանում անտուն շունն արդեն մեկ շաբաթ տիրոջն է սպասում, նրա տերը չի կարողացել փաստաթղթեր պատրաստել եւ մենակ է մեկնել, հայտնում է «ՌԻԱ Նովոստին»:
«Մենք չգիտենք, թե որտեղից է հայտնվել այս շունը, նա իրոք արդեն մեկ շաբաթ է` այստեղ է ապրում, զբոսնում է մերձկայարանային հրապարակով եւ դիմավորում է Կամչատկա ժամանող ուղեւորներին: Կամավորները, որոնք ստանձնել են նրան հոգ տանելու գործը, ասում են, թե շանը տերն է այստեղ թողել», — հայտնել են օդանավակայանի մամուլի ծառայությունից:
Նշվում է, որ շանը ինքնաթիռ չեն թողել, որովհետեւ տերը տեղափոխության համար փող եւ անհրաժեշտ անասնաբուժական փաստաթղթեր չի ունեցել:
Օդանավակայանի աշխատակիցների խոսքով, շունն իրեն հանգիստ եւ ընկերաբար է պահում, մարդկանց ձեռքից սնունդ է վերցնում: Սոցցանցի օգտատերերը նրան «Կամչատկայի Խատիկո» են կոչում:
Կամչատկայի «Հույսի կղզի» օթեւանի կամավորը պատմել է, թե օթեւան եւ օդանավակայան մարդիկ են զանգում` առաջարկելով տանել շանը, բայց առայժմ հույս կա, որ տերը կվերադառնա շան հետեւից: