Ապրիլյան իրադարձություններից մենք ոգեւորվեցինք, իսկ այդ կորցրած 800 հա ոչ մի նշանակություն էլ չունի: Այս մասին,շ այսօր՝ մայիսի 28-ին, Սարդարապատի հուշահամալիրում լրագրողների հետ զրույցում ասաց ԱԺ ՀՀԿ խմբակցության պատգամավոր, գեներալ Սեյրան Սարոյանը:
Լրագրողների հարցին, թե երկրապահ կամավորականները վերադարձել են սահմանից, Սեյրան Սարոյանը նշեց. «Չեն եկել, սմենափոխ արինք, հերթափոխ ա։ Նորից ենք մեկնելու»։
Անդրադառնալով ԵԿՄ նախագահ Մանվել Գրիգորյանի կողմից դիրքեր բարձրացող զինվորների հայհոյելու հետ կապված միջադեպին, Սարոյանն ասաց. «Էս ուրախ օրով մուտիլովկա հարցեր ես տալիս, ախպերս»:
Իսկ Սերժ Սարգսյանի հրաժարականը պահանջողների մասին հարցին Սարոյանը պատասխանեց. «Քաք ա կերել էդ ասողը։ Չի կարելի տենց բաներ խոսել։ Սերժ Սարգսյանը հող գրավող ա, հող տվող չի»։
Հարցին, թե երբ հայկական կողմը կկարողանա հետ բերել կորցրած 800 հա տարածքը, Սարոյանն արձագանքեց. «Դրա եղածն ի՞նչ ա, ավելի լավ բաներ կա վերցնելու, ինչի՞ մասին եք խոսում: Օրինակ, լիքը հողեր ունենք, մեր Գանձակը, Շահումյանը, Գետաշենը: Կվերցնենք, երբ սաղ ազգով միասնական ըլնենք: Որ կռիվ եղավ, խփելու ենք, առաջ էթանք»:
Ինչ վերաբերում է Ադրբեջանի կողմից նորից ռազմական գործողությունների դիմելու հավանականությանը, Սեյրան Սարոյանը նշեց. «Տո, թուրքին ով ա հավատացել, որ ես հավատամ։ Մենք էլ ենք պատրաստվում եւ այս անգամ մենք ավելի հետաքրքիր կլինի։ 22 տարի որ խաղաղություն եղավ, չպատկերացրեցինք, որ կարող էր տենց առաջխաղաղացում լինի, թե չէ տենց բան չէր լինի»:
