Օդեսայի մարզի պետական վարչակազմի ղեկավար, Վրաստանի նախկին նախագահ Միխայիլ Սաակաշվիլին իր ֆեյսբուքում Սահմանապահի օրվա առիթով պատմել է, թե ինչպես է որպես սահմանապահ ծառայել ԽՍՀՄ-ի տարիներին, հայտնում է Gazeta-ն:
«Խորհրդային ժամանակներում ես սահմանապահ էի` երբ ինձ զորակոչեցին Կիեւի համալսարանի առաջին կուրսից հետո, բայց իմ շտապ ծառայությունն ամբողջությամբ Ուկրաինայում էր անցնում եւ իմ գրեթե բոլոր ծառայակիցներն ուկրաինացիներ էին», — գրել է նա:
Միաժամանակ Սաակաշվիլին պարզաբանել է, որ իր նկատմամբ «անհամեմատ ավելի մարդկայնորեն» էին վերաբերվում ուկրաինացի սպաները, ինչով «շատ տարբերվում էին այն սպաներից, որոնք ուղարկվել էին ՌԽՍԴՀ-ից»:
Նրա խոսքով, Մոսկվայից մայորը նրա վերաբերյալ զեկույց էր գրել հատուկ բաժին, նրան մեղադրելով քաղաքական անհուսալիության համար, բայց վերահսկիչ անցակետի ղեկավարը, որն ուկրաինացի էր` գնդապետ Շանդորուկը, որը «ինչ-որ եղանակով ձեռք էր գցել այդ փաստաթուղթը», Սաակաշվիլիին ծանոթացրել էր դրան եւ պատռել էր զեկույցը:
«Չնայած մենք ստիպված եղանք պայքարել դեդովշչինայի դեմ եւ ինքներս նոր կանոններ ներմուծեցինք, իմ մեջ դրական շատ հիշողություններ են մնացել: Շնորհավոր ձեր տոնը, թանկագին համերկրացիներ` նրանք, ովքեր կրել են կամ կրում են այդ գեղեցիկ համազգեստը», — հավելել է նա:
