«Ալյանս» կուսակցությունը կմասնակցի 2017-ի եւ տեղական, եւ խորհրդարանական ընտրություններին: Այդ մասին մայիսի 28-ին կուսակցության արտահերթ համագումարին հայտնել է կուսակցության նախագահ Տիգրան Ուրիխանյանը:
«Երկրի համար պատասխանատվություն պետք է ստանձնեն այնպիսի մարդիկ, որոնք հասկանում են, թե ինչ բան է խիղճը, ինչ են պետության շահերը,, որոնք պատասխանատվություն կկրեն ընդունված որոշումների համար: Պետք է գտնել այդպիսի մարդկանց եւ անկախ նրանց հետ անձնական հարաբերություններից, նրանց ներգրավել պետական կառավարման մեջ որոշումների կայացման գործում», - ասել է Ուրիխանյանը:
Նա չի ճշտել, թե արդյոք կուսակցությունը միայնակ կմասնակցի խորհրդարանական ընտրություններին, թե ինչ-որ մեկին կառաջարկի դաշինք կազմել:
