Ավստրալական ՄաքՔուորի համալսարանի աշխատակիցներն ուսումնասիրել են Փորթ Ջեքսոնի նեղուցի ջրերում բնակվող շնաձկների վարքը եւ պարզել, որ այս գիշատիչները որոշակի վարքագծային առանձնահատկություններ ունեն, որոնք անհատականություն են մատնանշում:
Ըստ Planet-today-ի, գիտնականները շնաձկներին հատուկ ապաստարանում են տեղավորել՝ ուսումնասիրելու համար սթրեսին նրանց արձագանքը: Նոր եւ վախեցնող միջավայրում հայտնված գիշատիչներին հետեւելով՝ մասնագետները հայտնաբերել են, որ շնաձկները հետեւողական են գործում եւ հակված չեն հապշտապ որոշումներ կայացնելուն: Նրանց վարքագիծը որոշակի սխեմա է ունեցել, որը յուրաքանչյուր գիշատչի դեպքում տարբեր է եղել:
Որոշներն արագորեն որոշում կայացնելու ունակություն են ցուցաբերել, մյուսներն առանձնացել են մեծ համարձակությամբ, այլ գիշատիչներ էլ, հակառակը, անվճռականություն են դրսեւորել:
