Հայաստանի ԱԻՆ-ում, մայիսի 28-ին, ժամը 23.32-ին ահազանգ է ստացվել, որ Երեւանի Իսակովի պողոտայում՝ «30-ամյակի» հուշարձանի մոտակայքում, տեղի է ունեցել ավտովթար, անհրաժեշտ է օգնություն:
Դեպքի վայր է մեկնել մեկ մարտական հաշվարկ եւ ճգնաժամային կառավարման ազգային կենտրոնի օպերատիվ խումբը:
Պարզվել է, որ բախվել են «Mercedes» մակնիշի 35 AL 307 համարանիշի (վարորդ՝ 21-ամյա Ժորժիկ Ս.) եւ «ՎԱԶ-2107» մակնիշի 02 UU 507 համարանիշի (վարորդ՝ Գեւորգ Գ., ուղեւոր՝ 37-ամյա Կ. Հ.) ավտոմեքենաները, ինչից «Mercedes» մակնիշի ավտոմեքենան շրջվել է. տուժածներ չկան:
Հրշեջ-փրկարարները հոսանքազրկել են ավտոմեքենաները, փակել գազի բալոնների փականները, ճանապարհի երթեւեկելի հատվածից հեռացրել են «Mercedes» մակնիշի ավտոմեքենայի գազի բալոնը եւ կատարել ճանապարհի լվացման աշխատանքներ:
Դեպքի վայրում են գտնվել շտապօգնության եւ ՃՈ աշխատակիցները: