Հայաստանի ԱԻՆ-ում, այսօր՝ մայիսի 29-ին, ժամը 12.22-ին ահազանգ է ստացվել, որ Երեւանի Տիգրան Մեծի պողոտայի եւ Նար-Դոսի փողոցի խաչմերուկում այրվում է հացի փուռ:
Դեպքի վայր է մեկնել երկու մարտական հաշվարկ:
Պարզվել է, որ Տիգրան Մեծի պողոտայի թիվ 43 հասցեում գտնվող «Բոքոնիկ» հացի եւ քաղցրավենիքի արտադրամասում 10 կգ-անոց գազի բալոնից տեղի է ունեցել արտահոսք՝ հրդեհի բռնկմամբ:
Հրդեհը մեկուսացվել է ժամը 12.32-ին, մարվել՝ 12.46-ին: Խոհանոցում (10 քմ) այրվել է սառնարան, վառարան, 2 գազի բալոն (10 եւ 20 կգ-անոց), կախովի առաստաղից 3 քմ հատված, կոտրվել են վաճառասրահի պատուհանները, եւ ջերմահարվել առաստաղից 3 քմ հատված:
36-ամյա Ս. Ե.-ն ստացել է աջ եւ ձախ ձեռքերի այրվածքներ: Տուժածը տեղում ստացել է անհրաժեշտ բուժօգնություն եւ հրաժարվել հոսպիտալացումից:
