Վերջին մի քանի օրվա ընթացքում Միջերկրական ծովում ավելի քան 700 մարդ է խորտակվել՝ փորձելով Եվրոպայի ափ հասնել: Sky News-ի հաղորդմամբ, այսպիսի տվյալներ է հրապարակել Փախստականների հարցերով ՄԱԿ-ի գերագույն հանձնակատարի գրասենյակը:
Ըստ հրապարակման, դեպքերը գրանցվել են Իտալիայի հարավային ափերին: Իտալիայում գործակալության ներկայացուցիչ Կառլոտտա Սամիի խոսքով, ավելի քան 500 մարդ կարող էր խորտակվել մայիսի 26-ին:
Լիբիայից շուրջ 500 փախստականի փոխադրող նավերից մեկը ճոպանով կապված է եղել մեկ այլ նավի, որում գրեթե նույնքան մարդ է եղել: Երբ նավը սկսել է խորտակվել, առաջին նավի նավապետը սկսել է կտրել ճոպանը, որով խեղդվողները փորձել են նավ բարձրանալ: Նավերում շուրջ 40 երեխա է եղել:
Ընդհանուր առմամբ, նրա տվյալներով, տարեսկզբից Միջերկրական ծովում ավելի քան 1.5 հազար միգրանտ է զոհվել:
