ՌԴ ԱԳ նախարար Սերգեյ Լավրովն ու ԱՄՆ պետքարտուղար Ջոն Քերրին հեռախոսազրույցի ընթացքում քննարկել են Ուկրաինայի խնդիրն ու երկկողմ հարաբերություններին առնչվող մի շարք հարցեր: Այս մասին հաղորդում է ՌԴ ԱԳՆ-ն:
Ըստ ՌԻԱ Նովոստիի, երկու երկրների արտաքին քաղաքական գերատեսչությունների ղեկավարները քննարկել են նաեւ Սիրիայում տիրող իրադրությունը, հրադադարի ռեժիմը չպահպանող խմբավորումների դեմ գործողությունները, ինչպես նաեւ Թուրքիայի հետ Սիրիայի սահմանի փակման հարցը:
«Քննարկվել են միջազգային արդիական այլ թեմաներ, ներառյալ՝ ուկրաինական խնդիրը, ինչպես նաեւ երկկողմ հարաբերություններին առնչվող հարցեր»,- ասված է հաղորդագրությունում: