Ապրիլյան իրադարձությունները 22 տարվա ընթացքում ամենալուրջ մարտահրավերն էին Լեռնային Ղարաբաղի ստատուս քվոյի համար: Այս մասին NEWS.am-ի թղթակցի հետ զրույցում ասել է քաղաքագետ Սերգեյ Մարկեդոնովը:
Նրա խոսքով՝ կարելի է ասել, որ Լեռնային Ղարաբաղում իրավիճակը վերջին ժամանակներս շատ է փոխվել, սակայն միաժամանակ ոչինչ չի փոխվել: «Եթե վերցնենք ռազմավարական չափումը, ապա մեծ փոփոխություններ տեղի չեն ունեցել, քանի որ ճակատի գիծը լրջորեն չի փոխվել: Լեռնային Ղարաբաղի Հանրապետությունը՝ որպես ենթակառուցվածք, պահպանվել է: Ոչ մի խոշոր բնակավայր չի գրավվել: Այդուհանդերձ, դա 22 տարվա ընթացքում ամենալուրջ մարտահրավերն էին Լեռնային Ղարաբաղում ստատուս քվոյի համար», - ասել է Մարկեդոնովը: