Անհասկանալի է, թե ինչու պետք է Հայաստանը իր հարեւան Վրաստաանի համեմատ 6 անգամ քիչ զբոսաշրջիկներ ընդունի: Այս մասին հայտնել է «Հանրապետական» խմբակցության պատգամավոր, էկոնոմիկայի հարցերով խորհրդարանական հանձնաժողովի նախագահ Վարդան Այվազյանը՝ ԱԺ հանձնաժողովների համատեղ նիստի ժամանակ, որը նվիրված էր 2015-ի պետբյուջեի կատարմանը:
Այվազյանի խոսքով, ժամանակին Հայաստանը մոտավորապես նույնքան զբոսաշրջիկ էր ընդունում, որքան Վրաստանը: Իսկ հիմա Վրաստանը ընդունում է 6 մլն, իսկ Հայաստանը՝ 1 մլն: «Անկախ այն հանգամանքից, ո Վրաստանը ծով ունի, իսկ Հայաստանը՝ ոչ, պետք է հասկանալ, որ ամենակարեւորը այլ բան է՝ թե որքանով են զարգացած ենթակառուցվածքները ու որքանով են մատչելի գները: Այս ամենը ես ասում եմ մտագոհությամբ ու ափոսոսանքով: Անհրաժեշտ է, որ մենք գտնենք այս խնդիրները հաղթահարելու ճանապարհներ: Անհրաժեշտ է ստեղծել հարկադրման մրցունակ համակարգ»,- նշել է Վարդան Այվազյանը: