Հրազդան–Շինուայր 220 կիլովոլտանոց էլեկտրամատակարարման գծերի շինարարությունը 2015-ին մի փոքր ձգձգվել է անձրեւաշատ գարնան պատճառով: Այս մասին մայիսի 30-ին հայտնել է Էներգետիկայի ու բնական ռեսուրսների փոխնախարար Հայկ Հարությունյանը, ներկայացնելով 2015-ի պետբյուջեի կատարման մասին հաշվետվություն:
Նրա խոսքով, Համաշխարհային բանկի 52 մլն դոլար ընդհանուր ծավալով ծրագրի շրջանակում այս տարի նախատեսված էր ծախսել 5.3 մլրդ դրամ (ընթացիկ փոխաժեքով՝ 11 մլն դոլար), ծախսվել է 3.9 մլրդ-ը, հիմնականում այն պատճառով, որ կապալառուն՝ հնդկական Calpataru ընկերությունը անձրեւոտ գարնան պատճառով շատ սահմանափակ ժամանակ է կարողացել աշխատել: Հայաստանի կենտրոնում Հրազդանի ՋԷԿ ից մինչեւ Շինուայր գյուղ 230 կիլոմետրանոց Էլեկտրամատակարարման գծերը կփոխարինեն գործող գիծը, որը կառուցվել է դեռ 1950-ականներին: Նոր գիծը ոչ միայն ավելի հուսալի կլինի, յալ ավելի բարձր թողունակությամբ (310 ՄՎժ նախկին 250-ի փոխարեն): Դրա հետեւանքով անջատումների գրաֆիկը կկրճատվի ու կնվազեն ցանցում կորուստները ( այդ հատվածում 1.6 մից մինչեւ 0.7 տոկոս): Համաշխարհային բանկի ծրագրի շրջանակում նշված 52 մլն դոլարից 39 մլն դոլարը ՀԲ վարկն է, իսկ մնացածը Կառավարության ֆինանսավորումը: