Հյուսիսամերիկյան ու եվրոպական խոշորագույն նավթային ընկերությունների պարտքերը մեկ տարում աճել են մեկ երրորդով, ինչը կարող է զգալիորեն բարձրացնել ռիսկերը նավթի գների հերթական կտրուկ անկման դեպքում, գրում է Financial Times-ը:
Հայտնում են, որ վերջին 12 ամսում, 15 արեւմտյան խոշորագույն ընկերություններում պարտքերի ընդհանուր գումարը ավելացել է 97 մլրդ դոլարով ու կազմել 383 մլրդ դոլար: Եվ այսպես Royal Dutch Shel–ի պարտքը ավելացել է 19 մլրդ դոլարով, ExxonMobil-ի պարտքը կազմել է 38.3 մլրդ դոլար, իսկ BP –ինը՝ 30.6 մլրդ:
Ընդ որում, պարբերականը նշում է, որ պարտքերի հատկապես ակտիվ աճ է նկատվել ընթացիկ տարվա սկզբին, երբ նավթի գները անկում են ապրել մինչեւ բարելի դիմաց 27 դոլար:
FT -ը գրում է, որ չնայած նավթի գները վերադարձել են բարելի դիմաց 49 դոլարի, եկամտի կորուստի վտանգը միեւնույն է շատ մեծ է: Հերթական նվազման դեպքում կարող են կրճատվել ֆինանսավորումը ու աշխատատեղերը:
