SimilarWeb-ի հետազոտությունների համաձայն, WhatsApp-ն աշխարհի 109 երկրում Android  բջջային օպերացիոն համակարգի հիմքի վրա աշխատող ամենաժողովրդական մեսենջերն է, հայտնում է   Gazeta-ն:

Ընկերությունն ընդհանուր առմամբ վերլուծել է 187 երկրի օգտատերերի նախընտրությունները: Առաջատարների եռյակի մեջ են մտել նաեւ  Facebook Messenger-ը եւ Viber-ը:

WhatsApp-ն առանձնահատուկ ժողովրդականություն է վայելում այնպիսի երկրներում, ինչպիսիք են Ռուսաստանը, Գերմանիան, Իտալիան, Հնդկաստանը: Բացի այդ, հավելվածը հետաքրքիր է Հարավային Ամերիկայի բոլոր երկրներում ապրող օգտատերերին:  

Facebook Messenger-ն են նախընտրում 49 երկրի բնակիչներ, որոնց թվում են ԱՄՆ-ն, Կանադան, Ավստրալիան, Ֆրանսիան, Նորվեգիան: 

Viber-ն ակտիվորեն օգտագործվում է 15 պետությունում, այդ թվում` Բելառուսում եւ Ուկրաինայում: 

SimilarWeb-ի հետազոտության համաձայն, Telegram-ը ժողովրդականություն է վայելում Իրանում եւ Ուզբեկստանում ապրող Android օգտագործողների մոտ:  

Այնպիսի երկրներ, ինչպիսիք են Չինաստանը եւ Ճապոնիան, նախընտրում են սեփական մշակումները: WeChat եւ Lion` համապատասխանաբար: