Մայիսի 29-ին, ժամը 01.50-ին, հիվանդանոցից ոստիկանության Գորիսի բաժնում հաղորդում է ստացվել, որ «աջ այտի շրջանի ջնջխված վերք, քերծվածքներ, ընդհանուր սալջարդ» ախտորոշմամբ իրենց մոտ է տեղափոխվել 24-ամյա երիտասարդ եւ հայտնել, որ վայր է ընկել:
Ոստիկանության մամուլի ծառայությունից NEWS.am-ին հայտնում են, որ նյութերի նախապատրաստման ընթացքում պարզվել է, որ նույն օրը, ժամը 1-ի սահմաններում, «ՎԱԶ 21013» մակնիշի ավտոմեքենան Գորիս-Ստեփանակերտ ավտոճանապարհի «Ծտի բներ» կոչվող հատվածում կողաշրջվել է, ինչի հետեւանքով ուղեւորը մարմնական վնասվածքներով տեղափոխվել է հիվանդանոց:
Կատարվում է քննություն: