Վերակողմնորոշումը դեպի Եվրասիական միության ապրանքներ կրճատել է Հայաստանի բյուջեի եկամուտը: Այդ մասին մայիսի 30-ին խորհրդարանում հայտնել է Հայաստանի Պետեկամուտների կոմիտեի փոխնախագահ Արմեն Ալավերդյանը` հաշվետվություն ներկայացնելով 2015-ին պետբյուջեի կատարման մասին:
Պաշտոնյան նշել է, որ որոշ ապրանքների առումով այդ վերակողմնորոշումը հատկապես նկատելի է. դրանք են եւ արեւածաղկի ձեթը, եւ անվադողերը, եւ մի շարք այլ ապրանքներ: Արդյունքում պետեկամուտների կոմիտեն ավելի քիչ է մաքսային տուրք հավաքել, իսկ մասնակիորեն նաեւ` ԱԱՀ. եթե նախկինում 20 տոկոսանոց ԱԱՀ-ն հաշվարկվում էր 10 տոկոսանոց տուրքից հետո եւ կազմում էր ապրանքի արժեքի 22 տոկոսը, այժմ, առանց մաքսային տուրքի` 20 տոկոսը: «Այսինքն հարկման հիմքը նվազել է», - հավելել է Ալավերդյանը: