«Իսլամական պետություն» ահաբեկչական խմբավորումը ծրագրում է ապակենտրոնացում անցկացնել՝ ամրապնդելով դիրքերը տարբեր երկրների առանձին բջիջներում: Այս մասին գրում է Gazeta-ն՝ վկայակոչելով La Razón-ը:
ԻՊ-ի ձեռնարկած այս միջոցը կապված է վերջին շրջանում Սիրիայում եւ Իրաքում տարածքների լուրջ կորուստների եւ պարտությունների հետ: Դրա հետ կապված զինյալները մտադիր են թուլացնել իրենց կախվածությունը «կենտրոնական» տարածքներից:
Ահաբեկիչների նոր ռազմավարության համաձայն, հեռու գտնվող տարածքներն ԻՊ-ի ղեկավարության եւ խմբավորման ռազմական ապարատի համար ապաստան կծառայեն: Այդ դեպքում խմբավորումը կվերածվի «Ալ Քաիդա»-ի նման ցանցային ահաբեկչական կազմակերպության: