Իրաքյան բանակի առաջապահ ջոկատները երկրի պետական դրոշն են բարձրացրել Էլ Ֆալուջա քաղաքի հարավային ծայրամասում ոստիկանության շենքի վրա. քաղաքի մեծ մասը մինչեւ հիմա ԻՊ-ի զինյալների վերահսկողության ներքո է: Ըստ ՏԱՍՍ-ի, այս մասին հաղորդել է Իրաքի ՊԲ ռազմական տեղեկատվության կենտրոնը:
Մի քանի ժամ առաջ Իրաքի ԶՈՒ մամուլի քարտուղար Յահյա Ռասուլը հաղորդել էր, որ իրաքյան բանակը լայնածավալ գործողություն է սկսել՝ Անբար նահանգի՝ մեծության երկրորդ քաղաքն ազատագրելու համար:
Վերջին տվյալներով, կառավարական ուժերը հարավից եւ հյուսիսից շարժվում են քաղաքի կենտրոնի ուղղությամբ: