G-Shock ճապոնական ապրանքանիշը «ատոմային» ժամացույցների հավաքածու է գործարկել, որի դիզայնի մշակմանը մասնակցել է ամերիկացի նկարիչ Futura 2000-ը, հայտնում է Lenta-ն:
Ժամացույցի հիմքում ընկած է GDX6900FTR-1ER մոդելը, որի կորպուսը զարդարված է բրուքլինցի նկարչի նմուշներով: Մինչեւ 200 մ խորության տակ ջրակայուն ժամացույցն ունի 10 տարվա աշխատանքի համար նախատեսված մարտկոց: Հավաքածուն կթողարկվի սահմանափակ քանակությամբ եւ վաճառքի կհանվի հունիսի սկզբին:
G-Shock ապրանքանիշի տակ արտադրվում են նաեւ Casio ընկերության՝ տղամարդկանց եւ կանանց ժամացույցները: Առաջին մոդելները վաճառքի էին հանվել 1983-ին եւ ի սկզբանե նախատեսված էին էքստրեմալ պայմաններում օգտագործելու համար: