Ըստ ORB սոցիոլոգիական ծառայության անցկացրած վերջին հետազոտության արդյունքների, ԵՄ կազմից Մեծ Բրիտանիայի դուրս գալու կողմնակիցների թիվն աճել է: Նրանց եւ ԵՄ կազմում մնալու կողմնակիցների միջեւ ձայների տարբերությունը հիմա 5 տոկոս է, մինչդեռ ընդամենը մեկ շաբաթ 13 տոկոս էր, գրում է The Telegraph–ը:
Այսպիսով, այս պահին ԵՄ –ին հետագա անդամակցության կողմնակից է բնակչության 51 տոկոսը, իսկ դեմ է՝ 46 տոկոսը:
Պարբերականի կարծիքով, տվյալ արդյունքները խոսում են միգրացիոն ճգնաժամի ու իր սահմանները վերահսկելու՝ Բրիտանիայի կարողության հարցում աճող անհանգստության մասին:
Անցած շաբաթ Բրիտանիայի ազգային վիճվարչությունը հայտնել էր, որ միգրացիան աճել է ու հասել ռեկորդային մակարդակի: Կազմակերպությունը կանխատեսել է միգրանտների հաշվին երկրի բնակչության աճ 4 միլիոնով:
Բացի դրանից, հայտնում են, որ բրիտանացիներին մտահոգել են այն հաղորդագրությունները, որ Եվրոպա հասնելու ճանապարհին Միջերկրական ծովում հարյուրավոր միգրանտներ են զոհվել:
Ապրիլի վերջին ԵՄ կազմից Մեծ Բրիտանիայի դուրս գալու կողմնակիցների ու ընդդիմախոսների թիվը գրեթե հավասարվել էր:
