Բրիտանացի փրկարարները ջրհոսքի հատակն ընկած աղվեսի ձագին օգնել են ազատվել: Միջադեպը տեղի է ունեցել Արեւելյան Սասեքսի կոմսությունում: Փրկարարական գործողության տեսագրությունը YouTube-ում 150 հազար մարդ է դիտել, հայտնում է Lenta-ն:
Տղամարդիկ խոստովանել են, որ մի քանի ժամ են ծախսել` ջանասիրաբար փորձելով աղվեսի ձագին հանել անցքից: Հետո փրկարարներից մեկին այնուամենայնիվ հաջողվել է կենդանուն հանել անցքից` բռնելով նրա պոչից: Առաջին մի քանի վայրկյանին աղվեսի ձագը շատ վախեցած է երեւացել: Փրկարարները լվացել եւ չորացրել են կենդանուն, հետո նրան բաց են թողել:
Այդ ամբողջ ընթացքում նրա կողքին է եղել հասուն աղվեսը, որի հետ հերոսը հեռացել է փրկվելուց հետո: