Բելառուսի նախագահ Ալեքսանդր Լուկաշենկոն առաջարկել է ընդհանուր քաղաքականություն մշակել ԵՏՄ անդամ երկրներից մեկի կողմից երրորդ երկրների նկատմամբ պատժամիջոցներ կիրառելու դեպքում, փոխանցում է ՏԱՍՍ-ը:
«Չիրականացված է մնում ԵՏՄ անդամ պետություններից մեկի կողմից երրորդ երկրների նկատմամբ շուկայի պաշտպանության միակողմանի միջոցներ ընդունելու դեպքում ԵՏՄ գործառնության մեխանիզմների մշակման նախաձեռնությունը»,- ասել է Լուկաշենկոն ԵՏՄ գագաթնաժողովի ժամանակ:
Նրա խոսքով՝ անհրաժեշտ է նաեւ միասնական միջոցներ մշակել ԵՏՄ-ի եւ արտաքին գործընկերների միջեւ երկխոսություն վարելու համար: «Դրա համար մենք պետք է սեփական միասնական շուկան ձեւավորենք, մենք պետք է ուժեղ լինենք, ամրապնդենք մեր միությունը»,- ասել է նա:
Լուկաշենկոն կարծում է, որ դա ԵՏՄ-ին թույլ կտա հանդես գալ միասնական դիրքորոշմամբ: