ԵՏՄ-ում մինչեւ 2025 թ. նավթի ու գազի միասնական շուկաներ ստեղծելու հայեցակարգերը ընդհանուր առմամբ հաստատված են: Այս մասին լրագրողներին հայտնել է ՌԴ առաջին փոխվարչապետ Իգոր Շուվալովը Եվրասիական գերագույն տնտեսական խորհրդի նիստի արդյունքներով, հայտնում է ՏԱՍՍ-ը:
Նա հավելել է, որ այս փաստաթղթերի վերաբերյալ վերջին տարաձայնությունները վերացվել են Երեւանում մայիսի 20-ին: Շուվալովի խոսքով հաջորդ փուլը միջպետական համաձայնագրերի նախապատրաստումն է: Այս համաձայնագրերով մինչեւ 2025 թ. ածխաջրածինների ընդհանուր շուկա կստեղծվի ԵՏՄ տարածքում: «Այդ մասին այսօր սկզբունքային համաձայնություն է ձեռք բերվել»,- հավելել է առաջին փոխվարչապետը:
Նա նաեւ նշել է, որ ԵՏՄ ներսում առեւտուրն արժեքային արտահայտությամբ նվազում է, ինչն անհանգստացնում է միության բոլոր ղեկավարներին:
