Տեղական փոքր բիզնեսին պետք է օգնել նաեւ պետական գնումներով: Այս մասին մայիսի 31-ին կայացած մամուլի ասուլիսին լրագրողներին ասել է «ՓՄՁ համագործակցության ասոցիացիա» ՀԿ-ի ղեկավար Հակոբ Ավագյանը:
«Պետության գործառույթը այն է, որ բաշխի եկամուտները քաղաքացիների եւ բիզնեսի միջեւ: Եվ թիրախային պատվերները կարող են բիզնեսին օգնել կայանալ»,- ասել է նա: Որպես հնարավոր օրինակ՝ Ավագյանը նշել է հայկական չրերի պատվերները բանակի համար, որոնք անհրաժեշտ են զինվորական օրապահիկի համար: «Նրանք ե՛ւ կալորիականությամբ են համապատասխանում, ե՛ւ մեր զինվորներին ավելի շատ դուր կգան: Նման պատվերներ կարող են անել նաեւ մյուս գերատեսչությունները, ոչ միայն ՊՆ-ն: Այդ ամենը ՓԲՁ իրացման բավականաչափ մեծ շուկա է»,- ասել է ՀԿ-ի ղեկավարը: