ՌԴ նախագահ Վլադիմիր Պուտինը կոչ է արել ակտիվացնել աշխատանքները ԵՏՄ նոր Մաքսային օրենսգրքի ընդունման ուղղությամբ, հայտնում է «ՌԻԱ Նովոստին»:
«Ավելի քան 60 համաձայնագիր է ընդունվել: Մի շարք ուղղություններով աշխատանքները պետք է այսուհետ էլ շարունակվեն նույն տեմպերով: Սա վերաբերում է մասնավորապես Մաքսային օրենսգրքի ու միջազգային պայմանագրեր կնքելու կարգի վերաբերյալ համաձայնագրին:Այսինքն ինտեգրացիայի հետագա առաջխաղացումը պայմանավորված է նրանով, որ մեր զարգացման համար անհրաժեշտ նորմատիվային փաստաթղթերը ժամանակին ընդունվեն»,- ասել է Պուտինը՝ ելույթ ունենալով Գերագույն եվրասիական տնտեսական խորհրդի ընդլայնված նիստի ժամանակ:
Պուտինը հայտնել է, որ անհրաժեշտ է ներդաշնակեցնել ոչ սակագնային կանոնակարգումը, զարգացնել ապրանքներին հսկելու մեխանիզմները, կատարելագործել փոխգործակցությունը սանիտարական հսկողության ոլորտում:
«Անհրաժեշտ է այսուհետ էլ առաջնային ուշադրություն դարձնել տնտեսության հիմնական ոլորտներում համաձայնեցված քաղաքականություն վարելուն, բնական մենաշնորըների ոլորտում օրենսդրության ներդաշնակեցմանը»,- հավելել է նախագահը: