Թուրքիայի Ադանա քաղաքում Մեհմեդ Ջունեյթ անունով տղամարդը արտասվող 4–ամյա հարազատ աղջկան ծեծել է ու նետել փողոցով անցնող աղբատար մեքենան։
Թուրքական Sozcu–ի փոխանցմամբ՝ Մեհմեդ Ջունեյթը կատաղել է, որ աղջիկը արտասվել է աշխատանքի գնացած մոր համար եւ չկարողանալով նրան հանգստացնել՝ ծեծել է նրան։ Հայրը տեսնելով, որ աղջիկը ծեծելուց հետո էլ շարունակում է արտասվել, նրան փողոց է դուրս հանում ու նետում այդ պահին փողոցով անցնող աղբատար մեքենան։
Աղբատար մեքենայի թափքում աղբը ավտոմատ սեղման ժամանակ բանվորը նկատում է, որ երեխա կա աղբի մեջ եւ վերջին պահին անջատում է սեղմիչի աշխատանքը՝ փրկելով աղջկան։
Ոստիկանությունը ձերբակալել է երեխայի հորը, իսկ մայրը ոստիկանությունում բողոք է ներկայացրել ամուսնու դեմ՝ շեշտելով, որ նույնիսկ կենդանիները չեն վնասում իրենց ձագերին։
