Հայաստանը պետք է այնպիսի սպառազինություն ձեռք բերի, որը կապահովի երկրի պաշտպանությունը: Այդ մասին հունիսի 1-ի մամուլի ասուլիսին հայտնել է «Մոդուս Վիվենդի» վերլուծական կենտրոնի ղեկավար, փորձագետ Արա Պապյանը:
Նրա խոսքով, եթե հնարավորություն կա երկրի պաշտպանությունն ապահովել նոր համակարգերով, նախ եւ առաջ` հակաօդային պաշտպանության, պետք է անել դա, բայց նաեւ անհրաժեշտ է միջոցներ ունենալ հակառակորդին պատժելու համար: «Մենք կարող ենք նաեւ զենք արտադրել. մենք համապատասխան մասնագետներ ունենք, եւ եթե պետությունը որոշակի գումար տրամադրի այդ գործի կազմակերպման համար, վստահ եմ, Հայաստան կգան բազմաթիվ մասնագետներ», - նշել է Արա Պապյանը:
