«Վերջին մի քանի տարիները ցույց են տվել, որ բանակցային պրոցեսը շատ թե քիչ արդյունավետ կարող է լինել, եթե կողմերը կատարում են իրենց պարտավորությունները։ Այսինքն իրենց գործողությունները համահունչ են դարձնում 1994 եւ 95թթ. կնքված հրադադարի համաձայնագրի դրույթներին»։ Այս մասին այսօր՝ հունիսի 20-ին, Ռուսաստանի եւ Ադրբեջանի նախագահների հետ հաննդիպումից առաջ, Սանկտ Պետերբուրգում հայտարարել է ՀՀ նախագահ Սերժ Սարգսյանը՝ պատասխանելով լրագրողների այն հարցին, թե ինչ ակնկալիք ունի Ռուսաստանի եւ Ադրբեջանի ղեկավարների հետ եռակողմ հանդիպումից։
«Վիեննայում մայիսի 16-ին համանախագահների հայտարարությունը եւս այդ մասին է խոսում։ Ակնկալում եմ, որ Սանկտ Պետերբուրգում մենք ի վերջո կպայմանավորվենք եւ Ադրբեջանը կկատարի իր պարտավորությունները, սահմաններում խախտումներ չեն լինի եւ մենք կշարունակենք բանակցային պրոցեսը Լեռնային Ղարաբաղի խնդրի լուծման լավ նպատակով», -ասել է երկրի ղեկավարը։