Ռուսաստանի ԱԻՆ նախարար Վլադիմիր Պուչկովը հայտնել է, որ Կարելիայում «Սյամօզերո պարկ -հյուրանոց» ճամբարը փակվում է, հայտնում է ՏԱՍՍ-ը:
«Ճամբարը փակվում է : Մենք երեխաներին կփոխանցեք նրանց ծնողներին»,- ասել է նախարարը:
ՌԴ ԱԻՆ հյուսիսարեւմտյան տարածաշրջանային կենտրոնի ղեկավար Իգոր Պանինը ճշգրտել է, որ փրկարարների օդանավը ճամբարում հանգստացող 34 երեխաների Մոսկվա կհասցնի: Նրանցից են նաեւ փոթորկի ժամանակ տուժած դպրոցականները::
Հունիսի 18-ին «Սյամօզերո պարկ- հյուրանոց» առողջարանային ճամբարի 47 երեխաներ չորս մանկավարժների ուղեկցությամբ երկու նավակներով ուղեւորվել էն նավարկության Սյամօզերո լճում, երբ փոթորիկ է սկսվել: Վերջին տվյալներով հայտնաբերվել են 13 դպրոցականների մարմիններ, եւս մեկ երեխայի դեռ չեն գտել: Երեխաները հանգստանալու էին եկել Մոսկվայից, նրանց շարքերոմ նաեւ ծնողազուրկ երեխաներ կային:
Հարուցվել է քրեական գործ ՌԴ ՔՕ 238 հոդվածով՝ «Ապրանքների տեղափոխություն կամ իրացում, աշխատանքի կատարում կամ ծառայությունների մատուցում, որոնք չեն համապատասխանում անվտանգության պահանջներին»: Հետաքննության շրջանակում հինգ մարդ է ձերբակալվել՝ ինստրուկտորներ Ռեգինա Իվանովան, Լյուդմիլա Վասիլեւան ու Վալերի Կրուպոդերշչիկովը, «Սյամօզերո պարկ հյուրանոց» ընկերության տնօրեն Ելենա Ռեշետովան ու նրա տեղակալ Վադիմ Վինոգրադովը:
Կարելիայի ղեկավար Ալեքսանդր Խուդիլայնենը հայտնել է, որ զոհվածների ընտանիքներին մեկական միլիոն ռուբլի կվճարվի: Հունիսի 20-ը Մոսկվայում ու Կարելիայում սգո օր է հայտարարված: