Հռոմի Պապի այցը Հայաստան ընդգծում է նրա ցանկությունը` մտերմություն ցույց տալ հայ ժողովրդին, որն այնքան տառապանքներ է տեսել իր երկար պատմության ընթացքում եւ կիսում է խաղաղության ձգտումը: Այդ մասին հայտնել է Սուրբ Աթոռի մամուլի քարտուղար հայր Ֆեդերիկո Լոմբարդին Հռոմի Պապի Հայաստան այցին նվիրված մամուլի ասուլիսի ընթացքում:
Նրա խոսքով, էկումենիզմը Պապի Հայաստան այցելության առանցքային ուղղությունն է, այն հետեւում է անցյալ տարվա ապրիլին Գարեգին II-ի այցին Վատիկան, հայտնում է Վատիկանի ռադիոն:
Հայաստան իր այցի ընթացքում Պապը կհանդիպի Հայոց ցեղասպանության զոհերի սերունդներին:
Նա նաեւ հայտնել է, որ Էվանգելին Հիմիթյանը` Արգենտինայում հայ քահանայի դուստրը, Հայաստան եկող լրագրողների թվում է: Քահանան կարդինալ Բերգոլիոյի ընկերն է: Բացի այդ, նրա տատիկներն ու պապիկները Օսմանյան կայսրությունում հայերի հալածանքների ականատեսներ եւ զոհեր են դարձել եւ նրանց կյանքերը փրկվել են թուրք գյուղացիների շնորհիվ, որոնք պաշտպանել են նրանց:
Պապի Հայաստան այցելության ծրագիրը նաեւ հանդիպում է ներառում երկրի իշխանությունների եւ կրոնական առաջնորդների հետ, ներառյալ կաթողիկոսի եւ Հայ առաքելական եկեղեցու այլ ներկայացուցիչների հետ: Պապը կայցելի նաեւ Գյումրի, որտեղ բացօթյա ժամերգություն կկատարի:
Այցի վերջին օրը Ֆրանցիսկոս Պապը կայցելի Խոր Վիրապի վանք` թուրքական սահմանից ոչ հեռու, որտեղ աղավնիներ բաց կթողնի Արարատ լեռան ուղղությամբ: