Թուրքիայում ժողովրդավարական հաստատությունների գործունեության վերաբերյալ ԵԽԽՎ-ի զեկուցող Ինգեբորգա Գոդսկեսենը նշում է երկրի հարավ-արեւելքում մարդու իրավունքների խախտումները, հայտնում է «ՌԻԱ Նովոստին»:
«Անհանգստություն են առաջացնում մարդու իրավունքների լուրջ խախտումների կասկածները», — ասել է նա` Վեհաժողովին ներկայացնելով իր զեկույցը:
«Մեզ շատ է անհագստացնում ստեղծված իրավիճակը. 1,6 մլն մարդու է վերաբերում պարետային ժամը, որն առաջվա պես գործում է», — հավելել է նա: Զեկուցողն արձանագրել է, որ նաեւ «ջրի եւ էլեկտրականության, կրթական ծառայությունների եւ առողջապահության հասանելիության սահմանափակումներ կան»:
