Հունիսի 22-ին, ժամը 15.56-ին ահազանգ է ստացվել, որ Մ-2 ավտոճանապարհի Երեւան-Մեղրի հատվածի մոտավորապես 220-րդ կմ-ին տեղի է ունեցել ՃՏՊ. կան տուժածներ, անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ «Mercedes E190» մակնիշի 10 SO 496 պետհամարանիշով ավտոմեքենան (վարորդ՝ Գ. Մ.) դուրս է եկել երթեւեկելի գոտուց եւ կողաշրջվել:
Մինչ փրկարարների դեպքի վայր հասնելը՝ շտապօգնության աշխատակիցները Գորիսի ԲԿ են տեղափոխել ուղեւորներ՝ 1950 թ. ծնված Կ. եւ 1935 թ. ծնված Մ. Ա.-երին, ինչպես նաեւ վարորդ Գ. Մ.-ին: Բժիշկները տուժածների առողջական վիճակները գնահատում են բավարար:
Փրկարարները հոսանքազրկել են ավտոմեքենան եւ փակել գազի բալոնի փականը: