Երեւանի կենտրոնում շինարարական կռունկի վրայից աշխատանքներ կատարելիս հունիսի 22-ին երկու քաղաքացի է ընկել: Տուժածները Երեւանի բնակիչներ 50-ամյա Արմեն Մ.-ն ու 60-ամյա Մխիթար Գ.-ն են։ Նրանք «Շտապօգնության» մեքենայով տեղափոխվել են Երեւանի թիվ 1 Համալսարանական հիվանդանոց: Հիվանդանոցից NEWS.am-ին տեղեկացրին, որ քաղաքացիներն իրենց մոտ են տեղափոխվել ծանր վիճակում, նրանց վիրահատել են, վիճակները բավարար է:
Նշենք, որ շինարարական կռունկին բախվել է Երևանի բնակիչ 64-ամյա Մաքսիմ Միրզոյանի ավտոմեքենան, որի հետեւանքով քաղաքացիներն ընկել են կռունկից:
Հանգամանքները պարզվում են, կատարվում է քննություն:
